2021 жылғы универсиадаға еріктілер іздестіріліп жатыр

2021 жылы Люцернде өтетін қысқы спорт түрлерінен студенттер ойынының ұйымдастырушылары еріктілерді іздеуді бастады. Бұл туралы Olympic.kz хабарлады. 2021 жылдың 21-31 қаңтары аралығында өтетін Универсиадаға барлығы 2500 адам қатысады деп жоспарланған. Ұйымдастырушылардың айтуынша, студенттер ойынын өткізуге барлығы 3800 еріктінің көмегі керек болады.Ерікті қызметін атқарғысы келетін үміткерлер швейцарияның еріктілер платформасына тіркеліп, өтініш тастай алады. Швейцарияның еріктілері – комерциялық емес ұйым болып табылады. «Люцерн 2021» ресми сайтында еріктілерге қатысты қосымша ақпараттар жарияланған.