Астана таеквондошылары Катардағы халықаралық жарыста үздіктер қатарынан көрінді
2026 жылдың 18–21 қазан күндері Катар мемлекетінің астанасы Доха қаласында таеквондодан (WT) кадеттер, жасөспірімдер, жастар және ересектер арасында VI халықаралық ашық чемпионат — 6th Qatar Open Taekwondo Championship 2026 өтті.
G-1 санатындағы халықаралық додаға әлемнің 46-дан астам елінен 1152 спортшы қатысты.
Байрақты бәсекеде Астана қаласының спортшылары табысты өнер көрсетіп, 1 алтын, 1 күміс және 2 қола медаль жеңіп алды.
🥇 Тимур Рахпанов — 68 кг, алтын медаль;
🥈 Омар Жанбиров — 63 кг, күміс медаль;
🥉 Аяжан Танжарык — 63 кг, қола медаль;
🥉 Мирас Исенгелдин — 68 кг, қола медаль.
Айта кетейік, G-1 санатындағы халықаралық жарыстарда спортшылар әлемдік рейтингке есептелетін ұпайлар жинауға мүмкіндік алады.
Елордалық спортшылар мен олардың бапкерлерін жүлделі нәтижелерімен құттықтаймыз!
