Айбек Айтбеков — U23 әлем чемпионы

АҚШ-тың Лас-Вегас қаласында өтіп жатқан 23 жасқа дейінгі спортшылар арасындағы күрестен әлем чемпионатында елордалық балуан Айбек Айтбеков алтын медаль жеңіп алды.

Грек-рим күресінен 60 келі салмақ дәрежесінде ел намысын қорғаған Айбек Айтбеков финалдық белдесуде Әзербайжан спортшысы Елмир Алиевті 13:4 есебімен сенімді жеңіп, әлем чемпионы атанды.

Осылайша, елордалық балуан әлемдік додада Қазақстанның көк туын желбіретіп, ел қоржынына алтын медаль салды.

Айбек Айтбеков пен бапкерлер құрамын жеңісімен құттықтаймыз!