Жолдауда спорттағы мәселелер көтерілді

Президент Қасым-Жомарт Тоқаев Парламенттің қос палатасының бірлескен отырысында Қазақстан халқына жыл сайынғы Жолдауын жариялады. Мемлекет басшысы өз Жолдауында дене шынықтыру мен спорттың маңыздылығын да атап өтті. «Денсаулық кілті – дене шынықтыру. Қайталап айтамын: бұқаралық спортқа, балалар спортына барлық жағдайды жасау қажет. Облыс әкімдері спорт инфрақұрылымының кезең-кезеңімен құрылуын қамтамасыз етуі керек. Жалпы, Токио Олимпиадасының нәтижесіне байланысты спорттағы жағдайды бөлек отырыста қарастыру қажет» – деді Президент.