Астана құрамасы дзюдодан ел чемпионатында екінші орын алды

2025 жылдың 9–13 қараша аралығында Семей қаласында дзюдодан ерлер мен әйелдер арасында Қазақстан чемпионаты өтті. Еліміздің барлық облыстары мен қалаларынан жиналған 600-ге жуық мықты дзюдошының арасынан үздіктер анықталды.

Жеке сында астаналық спортшы Қайратова Ханзада 63 келі салмақ дәрежесінде күміс жүлдегер атанды.
Аралас командалық сайыс нәтижесінде Астана қаласының құрамасы – 2-орынға тұрақтады.

Жалпыкомандалық есепте Абай облысы чемпион атанса, Қызылорда облысы үздік үштікті қорытындылады.