AIBA жаңа флешмоб жариялады

Халықаралық әуесқой бокс ассосияциясы #boxingeverywhere флешмобын жариялады, деп хабарлайды Olympic.kz. «Бокс барлық жерде» ұранымен жарияланған флешмоб халықаралық бокс күніне орай ұйымдастырылған. Оған қатысу үшін «Көлеңкемен бокс» сериясында қатысушылар 20-40 секундтан тұратын видео түсіруі керек. Флешмоб талабы бойынша, қатысушы өз елінің, қаласының көрнекті жерінде түсіріп, #Вoxingeverywhere хэштегімен @aiba_official парақшасын белгілеп, инстаграмға жүктейді. Үздік видеолар @aiba_official парақшасының story-cына шығарылады. Үұздік спортшылардың видеосы жинақ ретінде халықаралық бокс күніне арналған тікелей эфирде көрсетіледі.  Айта кетерлігі, халықаралық бокс күні 22 шілде күні атап өтіледі.