Астана қаласы әкімдігінің «Спортты олимпиадалық түрлері бойынша дамыту дирекциясы» 2024 ж. 02.02 №112-314 Қаулысы негізінде, Астана қаласы әкімдігінің «Астана қаласының спортты дамыту дирекциясы» атауына өзгертілді. Бірақ, бұл оның тарихы осы күннен басталады дегенді білдірмейді. Мекеме бұған дейін де болған. Тек бұл өзгеріс, спорт саласындағы тың серпін әкелу және спорттағы жетістіктерді еселеу үшін қолға алынғанын дәлелдейді. Мақсатымыз – жаттықтырушыларға және спортшыларға барынша қолдау жасау. Сәйкесінше, жасөспірімдерден ересектерге дейінгі қаладағы барлық спортшыларға жауапты мекеме жарыс болсын, жаттығу жиыны болсын өз тараптарынан оқу-жаттығу жиындарына жібере береді және туындаған мәселелерге қатысты да өздері шешім қабылдайды.

Жаңадан құрылған дирекциялардың жұмыс ауқымы мен мүмкіндіктеріне қарай кеңейтілді. Мәселен, енді спорттық мекеме тек олимпидалық спортқа жауапты ғана емес, жалпы Астана қаласының спортына жауапты мекеме. Мекемеге 97 спорт түрі мен 3 мыңнан аса спортшы берілді. Оның ішінде жазғы және қысқы олимпиадалық, олимпиадалық емес, ұлттық спорт, паралимпиадалық, паралимпиадалық емес, судрлимпиадалық бағыттары бар.

Жалақы алатын спортшылар саны да еселеп артты. Бұның барлығы саладағы тыныс-тіршілікті жандандырып, жергілікті қыз-жігіттерге жағдай жасауға негізделген. Өйткені, оның артында қаланың, қала берді, елдің иммиджі бар.

Түпкі мақсат – аты айтып тұрғандай дәл осы спортшылардан әлем және олимпиада чемпиондарын шығару. Соған мұрындық болу. Айналып келгенде, бұл елдегі кәсіпқой, әуесқой және бұқаралық спортты дамытып, ұлт саулығын қалыптастыруға әсер етеді. Әсіресе, ұлт саулығы – бүгінде, маңыздылығы жағынан бәрінен жоғары.

Cпорт түрлері